Wan Investigation team we I involvem Professional Standards Unit, CID, Forensic mo TRG long Southern Command wetem wan Pathologist blong Australia, Mr. Calle Winskog oli depart long Port Vila 17/10/2018 long wan chartered flight I ko long Lonorore, South Pentecost.
Vanuatu Australia Policing Justice Program (VAPJP) I fundem trip blong two chartered flights blong transportem ol investigators I go mo kam back long Port Vila.
Follem ol complaints we police I recivim long dead blong wan 8- months old baby we I dead long 16/09/2018 , Investigation team ia hemi ko mo perfomem autopsy long baby ia mo apprehendem wan suspect mo escortem I kam long Vila .
Suspect, I stap facem four fala charges blong:
1. Domestic Violence
2. Intentional Assault
3. Treat to Kill
4. Duty to provide the necessaries of life
Commanding officer blong operation ia , Acting Superintendent Glen Nicholson MAHINA we I leadim 6-man team I confirm se operation I bin tekem ples long Area blong Waterfall I go kasem Sanmara village ples we autopsy I tekem ples long hem long South Pentecost.
Investigation mo autopsy I been conducted successfully mo result blong autopsy bae I release after we specialist Doctor ia I finalisem report blong hem .
Long second day blong operation ,nomata long heavy rain, team I wokabaout 2km uphill mo arrestem suspect long village blong hem long Sanmara mo escortem hem I kam long Port Vila blong answerem ol allegations we I stap againsem hem.
Team leader I confirm se Suspect hemi wan ex – prisoner we I bin commitim offence blong sexual intercourse without concern and I bin release long parole from correctional centre long 20 December 2016. Parole period blong hem I lapse long 31st August 2017.
Police through long team leader I talem bigfala thank yu long Tanmonok Joseph, Chief Justin Tabi mo Rogasia wetem community long Sanmara village mo community long waterfall long assistance we oli providem long team mekem se work I save complete.